Boardrack

Endeleg har vi klart å somle oss til å investere i eit boardrack til bilen (les: takgrind for surfebrett). Det gjer at vi no kan kome oss litt vekk frå stranda rett nedanfor huset vårt for å surfe. 200 meter nord for oss er ein av dei beste nybegynner bølgane i området, men det er alltid kjekt med variasjon. Ein morgon forrige helg tok i alle fall eg og Torgeir turen litt nordover til La Jolla Shores og freista lukka på ein kjend bølge der. Vi hadde allereie testa den ein gong tidlegare heile gjengen, så vi visste den var bra. Men ikkje denne morgonen dessverre. Det var ein usedvanleg klar og fin morgon, og dessverre også stille på sjøen. Sånn er livet som surfer. Bølgane er lunefulle. Ser i alle høve fram til å få testa ut nye deler av Californias sørlege vestkyst med brettet på taket!



Her har vi Torgeir og bilen med bretta på taket på La Jolla Shores klar for nye bølger!