Regn og forsinka kalkunmiddag

Laurdag vart eg invitert til forsinka Thanksgiving middag hjå foreldra til Peter. For lesarar med dårlig hukommelse frå tidlegare innlegg er Peter mannen til Anna, som er søskenbarnet til mamma. Kjekt med familie i nærleiken! Eg køyrde i alle høve av garde i pøsregnet - ja du leste rett, det regna i dag for første gong sidan mars - nordover til Carlsbad. Foreldra til Peter bor på ein fantastisk flott avokado farm litt oppe i fjella. Kunne til og med sjå snø på fjella enda litt lenger i landet frå huset deira. Eit flott syn for ein nordmann!! Regn i California kan nesten regnes som ei naturkatastrofe. Strømmen hadde i alle fall vore vekke sidan tidleg på morgonen og hadde akkurat kome attende når vi kom opp på avokadotoppen, så middagen var litt forsinka. Det gjorde ingenting, vi fylde tida med litt amerikansk fotball og ein film. Middagen var verdt å vente på. Mora til Peter hadde laga eit fantastisk måltid med alt som høyrer til ein tradisjonell Thanksgivingmiddag. Kalkunen var deilig, "støffinga" knall, squashen, sausen, bæra, rett og slett alt smakte fortreffelig. Dagen vart toppa med gresskarpai, friske bringebær, jordbær og krem til dessert. Nam!



Bildet yt ikkje kalkunen rettferd. Den er større enn den ser ut!